मिति २०८२/०५/२४ गतेका दिन भएको आन्दोलनका नाममा मौका छोपी विभिन्न समुहहरुले यस कम्पनीको मुख्यालय ‘एनसेल आइकन’ सहित महेन्द्रनगर, धनगढी र पोखरास्थित क्षेत्रीय कार्यालयहरूलाई गम्भीर क्षति पु¥याउँदै आगजनी र डकैतीका घटनाहरु भएका छन् । सोही दिन कम्पनीका सक्कल प्रमाणपत्र, अनुमतिपत्र, जग्गाधनी प्रमाणपुर्जा, नगद, सेफहरु एवं कार्यालयका महत्वपूर्ण अन्य कागजात आगजनी वा डकैती गरी लुटेर लगिएका छन् । यसैगरी ल्यापटप, टेलिभिजन, अत्यावश्यक विद्युतीय उपकरणहरु लगायतका सामानहरु, कर्मचारीका ल्यापटप र उनीहरुका लकर फोडी व्यक्तिगत सामान तथा गरगहनाहरु चोरी भएका छन् ।

 

तोडफोड, आगजनी र डकैतीका घटनाको आवश्यक अनुसन्धान र कारबाहीका लागि जिल्ला प्रहरी कार्यलय, काठमाडौंमा सिसिटिभी फुटजहरु सहित उजुरी दर्ता गरिएको हुनाले कसैले एनसेल आइकनसहित महेन्द्रनगर, धनगढी र पोखरास्थित क्षेत्रीय कार्यालयहरूबाट यस्ता उपकरण र सामानहरु लिएको वा प्राप्त गर्नु भएको भए ती सामानहरु नजिकैको प्रहरी कार्यलयमा आई बुझाईदिन हुन अनुरोध गर्दछौं । अन्यथा कानुन बमोजिम भई जाने व्यहोरा समेत जानकारी गराउँदछौं ।